Le petun é n majer prigo

Resposta ala cherta de Richard Clara, publicada te La Usc di Ladins di 8 d’agost 2009

Richard Clara scri tla ultima Usc: “Le penultim president metu a će dla Uniun Generela di Ladins a desmostre sua ’ladinite’ cun le ji son lista dl parti di Verć, che n’a por natora degona simpatia pro chestiuns etniches y n’a mai armeru n deit por la cossa ladina.”Ći che reverda mia porsona el dessigu vei ch’i ess podu fa deplu por la chestiun ladina, mo an ne po nia m’incolpe dijon ch’i n’a nia tigni y ch’i ne tegni nia son la cossa ladina. Vei el inće che MA i Verć s’a metu a desposiziun y a ince sburle por le referendum dl 2007. Duć i atri partis dl consei provinzial s’a tigni fora. Clara scri che i messun nes stravarde dala germanisaziun/italianisaziun. Al e dessigu vei che la situaziun dl lingaz n’e nia otimala, mo personalmenter me temi deplu da na zementifi caziun ćiamo maiu. Jon a desdruje nosc raiun junse dessigu inće a lasce son strada n bel toch de identite ladina. Na sconanza ambientala n’e nia manco importanta de nosc bel lingaz. Ći valuta po pa avei n lingaz sce i n’un plu degona tera? Duć adom messassun avei plu consapevoleza globala dla responsabilite por le begn dl ladin, dla ladinite y dla Ladinia; spo el propi bel anfat sce an se foma n zigare scioche n cuban, sce an ascuta ion le rock scioche n american, sce an ne va nia a messa vigni domenia scioche n “bun” cristian, sce an ne baia gnanca na parora n iade al’edema scioche n indian o sce an e n Vert por convinziun.

michil costa, La Usc di Ladins Nr. 31 dl 14 agost 2009

Lascia un commento

Inserisci i tuoi dati qui sotto o clicca su un'icona per effettuare l'accesso:

Logo WordPress.com

Stai commentando usando il tuo account WordPress.com. Chiudi sessione / Modifica )

Foto Twitter

Stai commentando usando il tuo account Twitter. Chiudi sessione / Modifica )

Foto di Facebook

Stai commentando usando il tuo account Facebook. Chiudi sessione / Modifica )

Google+ photo

Stai commentando usando il tuo account Google+. Chiudi sessione / Modifica )

Connessione a %s...